1316. Oktober 15. Ratibor.

Herzog Lestco stellt die Freiheit der Dörfer Krawarn, Radoschau und Knizenitz her und schenkt sechs Mühlsteine jährlich.
Verfälschte Urkunde.

In Nomine Domini Amen. Quoniam annorum revolucione et personarum successione statuta priorum defluunt racionabiliter ordinata, nisi per scripta seu privilegia labenti memorie succuratur: Notum sit igitur Vniversis presencium paginam inspecturis, quod nos Lestko dei gracia dux Ratiboriensis visis privilegiis Monasterii Domus dei ordinis Premonstratensis Vratislaviensis diocesis prope Oppol super Villis Crauar, Raddoscow et Xenicz, et inspectis diliencius dictarum Villarum libertatibus in eisdem per nostros progenitores errogatas, tam nostre quam progenitorum nostrorum saluti providere cupientes, Villas prenotatas que per ignoranciam vel neglienciam ad soluciones venerant indebitas simul et servicia minus iusta, ad libertatem supscriptam decrevimus revocare, ita quod exnunc Coloni earundem Villarum neque ad araturam neque ad vectigalia qualiacunque seu exacciones cuiuscunque sint generis, pecuniarie, Porcorum, Vaccarum vel aliorum que pro nostris necessitatibus accipere consuevimus, nullo unquam tempore teneantur, sed illa omnia que nos a nostris accepimus hominibus, in villis superius adnotatis Domino Preposito et Conventui in integrum exsolvantur. Hoc tamen excepto quod ad novas Municiones quas pro terre nostre comodo faciemus, quemadmodum alii inhabitatores terre nostre iuvare tenebuntur. Sic eciam cum terram nostram pro faciendis expedicionibus exire nos continget, nobis de Crauar unum Currum vacuum mittere tenebuntur cum quatuor Equis, et de Raddoscow et Xenicz unum currum nobis mittent modo supradicto, quibus serviciis nobis vel nostris exhibitis posteris, ut dictum est, nulla alia neque per nos neque per nostros posteros unquam exhigantur. Sculteti eciam dictarum superius villarum nobis ad nulla servicia deinceps teneantur, ad hoc quod Preposito et Conventui dicte pluries Domus ad serviendum se reddant promciores, sumoppere fertones de singulis laneis predictarum villarum plenarie inportantes et decimam fideliter persequentes. Preterea predicte Ecclesie Domusdei in Monte circa Radoscow Sex molares extractos de monte annis singulis assignamus. Ipse eciam Prepositus et Conventus sepius nominati de iure patronatus Ecclesie de Ribnicz et Tabernis renunciaverunt secundum quod in instrumento nobis per ipsos dato plenius continetur. Nos igitur inspecta resignacione prescripta, simul iniuriosa versacione que fiebat in villis sepius nominatis, ipsas ad libertatem reduxsimus prenotatam, quam si quispiam nostre posteritatis, imo eciam nosmet ipsi vellemus aliquo tempore violare, hiis condicionibus ultrogectis extunc Jus patronatus Ecclesie in Ribnicz et census Tabernarum ibidem ad Monasterium: Prepositum et Conventum prius dictos satisfaccione premissa condigna cum pleno domicio revertantur. Et ne hanc veritatis seriem invidia vel malicia tractu Temporis valeat obumbrare in nostre salutis ac dicti Monasterii dispendium, presens privilegium conscribi fecimus nostri Sigilli maioris munimine roboratum. Datum Ratibor in die beate Heduigis Anno domini Milesimo CCC° sexto decimo presentibus dominis Martino Judice curie nostre, Michaele de Gassowicz, Petro Strala Imramo Vroczlao Jencone Polca et aliis quam plurimis fide dignis.

Mit dem ersten Siegel Lestko's (Umschrift: S. LESTCONIS. DVCIS. RATHIBORIENSIS), welches aber nicht, wie in seinen übrigen Urkunden, an Seidenfaden, sondern an einem Pergamentstreifen hängt. Die Schrift stimmt mit den Urkunden Lestko's nicht überein, und scheint eher dem 15ten Jahrhundert anzugehören, und dass wirklich diese Urkunde unecht ist, beweist die folgende, der Beglaubigung von 1332 entnommene, bedeutend abweichende Ausfertigung derselben. Das echte Original scheint vernichtet, das Siegel aber abgeformt zu sein. Benutzt ist bei der Fälschung die Urkunde No. XVIII.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.